МОНГОЛ УЛСЫН ЕРӨНХИЙЛӨГЧИЙН САНААЧЛАГААР “ОРЧНЫ БОХИРДЛЫГ  БУУРУУЛАХ БОЛОМЖ” СЭДВИЙН ХҮРЭЭНД ЗОХИОН БАЙГУУЛЖ БУЙ УЛСЫН “ЭКОЛОГИЙН XV ОЛИМПИАД”-Д ШУТИС-Н ХШУС-Н ОЮУТНУУД АМЖИЛТТАЙ ОРОЛЦОВ.

2017-05-08

Тус олимпиадад МУИС, МУБИС, ШУТИС, ХААИС, АШУҮИС, МҮИС, Эко-Ази дээд сургууль, Ховд Их сургуулийн Баян-Өлгий дахь салбар сургууль зэрэг олон их, дээд сургуулийн  нийт 180 оюутан, 36 баг болон оролцсон байна.  

БОАЖЯ-ны санаачилгаар 2003 оноос эхлэн “Экологийн олимпиад”-ыг жил бүр уламжлал болгон зохион байгуулдаг бөгөөд энэ жил Монгол Улсын Ерөнхийлөгчийн Тамгын Газар, “Мон-газар Экологи” ХХК, “Экологи” клуб, “Биологийн төрөл зүйлийг хамгаалах, уур амсгалын өөрчлөлтөд дасан зохицох” төсөл зэрэг олон байгууллагууд хамтран ажилласан байна. 36-н багын 180 хүүхэд тус бүрээс онолын мэдлэгээр уралдуулан эхний 10 багийг шалгаруулж орчны бохирдлын бууруулах шинэ санааны уралдаан зохион байгуулж эхний 3-н байр эзлүүлсэн юм.

Ийнхүү ШУТИС-н ХШУС-н Үйлдвэр экологийн инженерийн 4-р курсын оюутан Т.Гэрэлмаа, МУИС-н ХШУИС-н оюутнуудтай хамтран баг болж оролцон 3-р байр эзэлсэн байна.

Улсын Экологийн XV-р олимпиадад амжилттай оролцсон ҮЭИ-н 4-р курсын оюутан Т.Гэрэлмаад болон удирдаж оролцуулсан ахлах багш док, С.Туяа, багш Ч.Даваасүрэн нарт талархал илэрхийлье.

ШУТИС-ХШУС-Физикийн тэнхим