“2017 CDIO Asian Regional Meeting” сэдэвт хуралд ХШУС-ийн Физикийн тэнхимийн багш Н.Чимэдцогзол оролцлоо.​

“2017 CDIO Asian Regional Meeting” сэдэвт хурал Тайланд улсын Бангкок  хотноо 2017 оны 03-р сарын 11-16-ны хооронд зохион байгуулагдлаа. Тус хуралд Азийн бүс нутгийн 20 гаруй  их дээд сургуулиудын 200 орчим төлөөлөгчид оролцсон бөгөөд Монгол улсыг төлөөлж ХШУС-ийн багш Н.Чимэдцогзол, ҮТС-ийн дэд захирал Д.Ариунболор, МХТС-ийн профессор Н.Эрдэнэхүү, Техник Технологийн Дээд Сургуулийн дээд боловсролын менежер Ц.Баярмаа нар оролцов. 

Тус уулзалтаар CDIO-г Инженерийн боловсролд хэрхэн хэрэгжүүлж байгаа туршлага, ажил олгогчийн  шаардлага, ирээдүйн инженерүүдийн боловсрол, цаашдын чиг хандлага зэрэг сэдэвүүдээр сонирхолтой илтгэлүүд хэлэлцэгджээ. 

2016-2017 оны хичээлийн жилийн намрын улиралд салбар сургуулиас зарласан CDIO-г сургалтанд нэвтрүүлэх уралдаанд шалгарч тэргүүн байр эзлэн Олон Улсын хуралд амжилттай оролцсон Физикийн тэнхимийн багш Н.Чимэдцогзолдоо баяр хүргэж цаашдын эрдэм, судлалын ажилд нь өндөр амжилт хүсье. 

ХШУС-ИЙН ЗАХИРГАА