ХШУС-ийн багш ажилчдыг эрүүл мэндийн үзлэгт хамруулах тухай

Багш, ажилчдыг эрүүл мэндийн үзлэгт хамруулахаар улсын болон хувийн хэвшлийн 6 эмнэлэгийн багц, үнийн саналтай танилцсаны үр дүнд “СӨҮЛ ЭМНЭЛЭГ”-тэй гэрээ байгуулан ажиллахаар боллоо.

Эрүүл мэндийн даатгалын сангаас зардлын төлбөрийг нь хариуцах урьдчилан сэргийлэх үзлэгийн багцыг СӨҮЛ эмнэлэг хэрэгжүүлэгч хувийн хэвшлийн эмнэлэг байсан нь бидэнд маш давуу тал болж байгаа юм. Энэ үзлэгийн багц нь 18-34, 35-45, 46-64, 65-аас дээш гэсэн насны ангиллаар боловсруулагдсан байдаг. Эдгээр шинжилгээнүүд дээр нэмэн сургуулийн зүгээс 80000 төгрөгийн шинжилгээ оношлогоог оруулан нэгдсэн багцыг гаргасан.

СӨҮЛ ЭМНЭЛЭГ нь 2014 онд БНСУ-ын Сөүл Сонгдо эмнэлгийн Улаанбаатар дахь салбар болон байгуулагдсан  бөгөөд өндөр хөгжилтэй орнуудын эмнэлгийн практикт мөрдөгдөж буй нотолгоонд суурилсан эмнэлзүйн удирдамж, үйлчлүүлэгчийн аюулгүй байдлын стандартыг үйл ажиллагаандаа нэвтрүүлж, оношилгоо эмчилгээндээ орчин үеийн технологийг өргөнөөр ашиглаж байна.

Техник, тоног төхөөрөмж:

• 2016 оны Toshiba брэндийн Компьютер Томографи
• АНУ-ын Beckman Coulter фирмд 2014 онд үйлдвэрлэсэн лабораторийн бүрэн автомат тоног төхөөрөмжүүд
• Япон улсын Sakura Finetek брэндийн хамгийн сүүлийн үеийн тоног төхөөрөмжтэй эмгэг судлалын лаборатори.
• БНСУ-ын Hyundai фирмд 2014 үйлдвэрлэсэн дижитал рентген аппарат.
• Pentax HD+EPKi процессор 2011 (i-scan, zoom, digital colors filter, white light) EG-2990i Ходоодны дуран /Уян нарийн стандарт/ EC-3890i Бүдүүн гэдэсний дуран.

Үзлэг 5 сарын 28-31-ны өдрүүдэд өглөө 8.30 цагаас эхлэн явагдана. Та бүхэн дараах багцуудаас насны ангилалдаа тааруулан сонголтоо хийнэ үү.  /18-34 болон 65-дээш насны багш ажилчид бүх сонголтоос аль нэгийг нь сонгосны дараа жич үнийн саналыг тохируулан гаргаж өгнө. /