Физикийн Тэнхимийн эрхлэгч Г.Мөнхсайхан 11 дүгээр сарын 25-наас 28-ны өдрүүдэд БНСУ-ын Инчоны Үндэсний Их Сургууль дээр зохион байгуулагдсан Олон Улсын Байгалийн Ухааны 7-р Симпозиумд зочин илтгэгчээр оролцоод ирлээ. Тус симпозиумд Япон, БНХАУ, Солонгос, Монгол Улсын эрдэмтэн судлаачид судалгааны ажлынхаа үр дүнг хэлэлцүүлсэн бөгөөд Г.Мөнхсайхан нь “Few Layered MoS₂ Lithography with AFM Tip” сэдэвт ажлаар илтгэл тавьсан байна. 

Мөн Инчоны Үндэсний Их Сургуулийн Байгалийн Ухааны коллежийн физикийн тэнхимийн эрхлэгч профессор Ким Жун Хотой уулзан ХШУС-ийн Физикийн тэнхимийн багш нарыг сарын хугацаатай мэргэжил дээшлүүлэх сургалтанд Инчоны Үндэсний Их Сургуульд хамруулахаар тохиролцлоо.  

Физикийн тэнхим