ФУТЗАЛЫН ТЭМЦЭЭНИЙ АВАРГА БАГУУД ТОДОРЛОО
Оюутны улсын аварга шалгаруулах футзалын тэмцээн 2016 оны 04 сарын 09-10 нд Монголын хөлбөмбөгийн холбооны Футзалын ордонд амжилттай явагдаж өндөрлөлөө. Тэмцээнд их, дээд сургуулийн 15 багийн 140 гаруй тамирчид оролцлоо.
Тэмцээний эхний өдөр хэсгийн тоглолтууд явагдаж, дөрвөн хэсгээс оноогоор эхний 2 баг шалгарч 4/1 шигшээд тоглосон ба 4 хожсон 4 баг нь хагас шигшээд шалгарсан юм. С хэсгийн сүүлийн тоглолтонд таарсан Сан ДС, Мон-Алтиус БТДС-ийн багууд 4:10 харьцаагаар тоглолтыг дуусгасан. Сүүлийн тоглолтонд ҮБТДС, АШУҮИС-ийн багууд ширүүн өрсөлдөөнтэй тоглолт гарган тоглож 1:1 харьцаагаар тэнцсэнээр хоёр баг дараагийн шатанд шалгарч, хагас шигшээ тоглолтонд ОУУБИС, МУИС, ШУТИС, МУБИС-ийн багууд шалгарсан. Тэмцээний дүнгээр Э.Ганзориг дасгалжуулагчтай, Пүрэвдорж ахлагчтай ОУУБИС нэгдүгээр байр, М.Амаржаргал дасгалжуулагчтай, Д.Мөнхдөл ахлагчтай ШУТИС хоёрдугаар байр, Р.Тамираа дасгалжуулагчтай, Д.Анхбаяр ахлагчтай МУБИС гуравдугаар байрыг эзэлж оюутны улсын аваргын 2016 оны тэмцээний алт, мөнгө, хүрэл медалийн эзэд боллоо.
                                           МОНГОЛЫН ОЮУТНЫ СПОРТЫН ХОЛБОО