Манай оюутнууд БНХАУ-ын Хөх хотын Аж Үйлдвэрийн Их Сургуульд  дадлага хийгээд ирлээ

ХШУС-ийн Химийн технологийн III, Үйлдвэрийн  экологийн инженер- III курсын оюутнууд үйлдвэрлэлийн дадлагаа БНХАУ-ын Хөх хотын Аж Үйлдвэрийн Их Сургуульд Р.Долгоржав, Н.Чимэдцогцол  багш нарын хамт 2019 оны 7 сарын 1-ноос 9-ны хооронд амжилттай хийгээд ирлээ.Тус сургуулийн удирдлагууд биднийг хүлээн авч  сургуулиа танилцуулав

Сурах орчинг иж бүрэнээр нь бүрэн шийдэж чадсан оюутны хотхонтой танилцав.

ӨМӨЗО-ны Хөх хотын Аж Үйлдвэрийн Их Сургуулийн гадаад оюутны байранд бид байрлав.

Манай оюутнууд дадлагын хугацаанд Химийн Инженерчлэлийн лабораторит эхний өдрөө ажилласан бөгөөд нэрлэгийн процессын тусламжтай бодисыг хольцоос нь салгах аргатай танилцан туршилт хийж, туршилтын үр дүнгээ ашиглан тооцоо хийв.

Хагас үйлдвэрлийн лабораторит тасралтгүй ажиллагаатай ректификацийн процесс, шингэний гидромеханикийн үзүүлэлтүүдийг тодорхойлох,  шингэний урсгалын хурд, дулаан солилцох, хатаах процесс, тэдгээрийн технологийн схем, горимыг тогтоох, үйлдвэрлэлийн автоматжуулалтын программтай танилцаж, өөрсдөө туршилтын ажил хийн үр дүнг тооцов.

Дадлагыг хийхэд туслаж дэмжсэн ХШУС-ийн захирлын зөвлөл болон Химийн инженерчлэлийн салбар​ын  Дэд профессор Б.Тунгалагтамир нартаа нийт оюутныхаа өмнөөс талархсанаа илэрхийлье.